Í góðu lagi Vinnustaðavottun

„Í góðu lagi“ er nýtt vottunarkerfi sem sýnir að vinnustaðir fari eftir
kjarasamningum og reglum vinnumarkaðarins. Það byggir á trausti, gagnsæi og sanngirni.

Verkefnið hófst sem samvinna milli Bárunnar, stéttarfélags og Sölufélags
garðyrkjumanna og fékk strax góðar undirtektir. Framsýn stéttarfélag kom svo inn í verkefnið. Það eru sameiginlegir hagsmunir allra aðila að kjör og
aðbúnaður starfsfólks sé í góðu lagi.

Framkvæmdin er að vinnustaðir eru heimsóttir og farið yfir þau gögn sem til þarf. Fyrir liggur metnaðarfullur verkferill sem nær til allra þátta er viðkemur framsæknum vinnustöðum. Sjá fylgiskjal

Með þessu verkefni byggjum við traust og samvinnu sem leiðir til heilbrigðari vinnumarkaðar og bættra kjara launafólks. Stofnuð var sameiginleg nefnd skipuð fulltrúum frá hlutaðeigandi stéttarfélögum og Sölufélagi garðyrkjumanna, sem vann að undirbúningi sérstakrar vottunar.

Þetta er tilrauna og þróunarverkefni með möguleika á útvíkkun. Nafnið byggir á svipaðri hugmynd og danska OK-merkið og leggur áherslu á að tryggja öryggi til mannsæmandi launa.
Vonir standa til að vottunin „í góðu lagi“ geti náð útbreiðslu til annarra
starfsgreina ef vel tekst til.